TCRA WASISITIZA KUZIMA SIMU FEKI

 

---

Ikiwa imebaki miezi miwili kuzimwa kwa simu bandia Mamlaka ya mawasiliani nchini Tanzania TCRA, imewataka watumiaji wa simu kuhakikisha kuwa simu wanazotumia ni halisi ili kuepukana na hofu ya madhara yatokanayo na bidhaa bandia. Mkurugenzi Mkuu wa TCRA, Dkt. Ali Yahya Simba, amesema hayo alipokutana na waandishi wa habari Mjini Dodoma, kwa lengo la kueleza manufaa ya mfumo rahisi wa namba ya utambulisho kuelekea june mwaka huu ambapo simu zote bandia zitazimwa.

Dkt.Simba amesema kuwa wameamua kuchukua hatua kutokana na kushindwa kuzidhibiti simu hizo kutokana na mtu wa mtandao mmoja akifanya uhalifu na akibadilisha mtandao kwa simu ile ile anashindwa kupatikana kirahisi huku akisisitiza zoezi hili litafanyika tarehe 16 mwezi 6 mwaka 2016.

Kwa Upande wake Meneja mawasiliano na mahusiano ya Umma wa TCRA, Inocent Mungi,amesema kuwa uwezekano wa simu hizo zikawa na madhara mengine ya kiafya, pamoja na utambuzi wa watu wanaozitumia kwa uhalifu.

Nae mwanasheria mwandamizi katika kitengo cha udhibiti na uzuiaji wa bidhaa bandia ya tume ya ushindani, Khadija Sijaona, amesema kuwa wanaokiuka maelekezo ya tume na mamlaka ya mawasiliano watachukuliwa hatua kali.